চেতনা

ডামো ধান মেলিয়া দিও না মাই
খাউয়ায় খাইয়া তল খরবো
উগারো রাকিও না ধান
কুত্তি ফুকে ধরিলাইবো

ঘরো খও আর বারে খও
কোনখানো বালা নাই
তারার ইতা দেখলে মনো অয়
আমরার দেশো গরিব নাই

বিচার

বললে তো খইবায় মাতিলাইছি
ইতা সব আমি আতাইলাইছি!
মানুষ মরে মানষোর লাগি
মরি গেলে হেতো অন্য দাগি!

তনাই ভাঙিয়া রাজফথ খাফাইয়া
মরলায় তুমি রক্তে ভাসিয়া…
তারা এখন তোমারে ছিনে না
তুমি তারার খেউ আছলায় না!

তুমি তোমারও না, তারারও না
তাদেরও না- তোমার নামে ‘প্রার্থনা’।
মানষোর লাগি মানুষ কান্দে
মানষোর লাগি মানুষ জান দেয়…

দৃষ্টিপাত

কিতা কইতায় বলো
খেমনে কিতা অইলো
মানষোর ঘরোর মানুষ অইলে
থাখতো হাছার দলো…

কিতা আর খইতাম খও
জগৎ জুড়িয়া মানষোর আখাল,
মানুষ তুকাইতে মানুষ হাজিয়া
আমি অইলাম মাখাল…!

দেলোয়ার হোসাইন
কবি ও সংবাদকর্মী